ActuÒc

Notre voyage de juillet 2026

​​

​

​

​

​La tròba del mes

N'hesitez pas a suggerer des textes !

​

A Còr d'Estiu

 

Per bosc e per coumbo

roumbo

La Paloumbo.

F. MISTRAL

 

La selva embelinaira a perdut son encant.

Pas una aura landriara engtremèg las corondas

dels grands casses usclats de la rusca a las brondas :

la fonts, rajòl tarit, an escantit lor cant.

 

Suls camps segats dardalha un solelh alucant ;

de la tèrra abrandada al cèl ont las irondas

fan d'alba a jorn falit milanta revirondas,

l'espandi resplendís de lum emberlucant.

 

Es ara, a còr d'estiu, mentre que tot se cala,

que friutan de baudor tos miralhs, ò Cigala,

qu'as jamai ton sadol de flam e de claror !

 

Sola, una autra rumor dins la siaudor borromba ;

es lo rocol tremol et tot comol d'amor

que monta de la comba ont romba la Palomba.

 

Antonin Perbosc 1920